Sangava News

सांगावा न्युज, चिंचवड. दि. ११ : चिंचवड शिवसेना ( उध्दव बाळासाहेब ठाकरे गट ) विधानसभा प्रमुख आणि माजी नगरसेवक अनंत कोऱ्हाळे यांनी अपक्ष उमेदवार भाऊसाहेब भोईर यांना आपला पाठिंबा जाहीर केला. या पुढे एक पाऊल टाकत त्यांनी स्वतःच्या जनसंपर्क कार्यालयात भाऊसाहेब भोईर यांच्या निवडणूक कार्यालयासाठी दिले आहे. हे कार्यालय अपक्ष उमेदवार भाऊसाहेब भोईर यांची चिंचवड येथील मध्येवर्ती काचेरी असेल त्याचे उद्घाटन उद्या दिनांक १२ नोव्हेंबर रोजी होणार आहे. अशी माहिती आज पत्रकार परिषदेत श्री अनंत कोराळे यांनी दिली.

भाऊसाहेब भोईर यांच्या उमेदवारी मुळे चिंचवड निवडणूक कमालीची चुरशीची झाली आहे. आजच्या घडामोडी नंतर तर निवडणुकीचे वारे बदलले आहेत असेच चित्र आहे. सुमारे पावणेसात लाख मतदार असलेल्या या भल्या मोठ्या मतदार संघात सर्व उमेदवारांनी आपली ताकद पणास लावली आहे. तीस हून अधिक वर्षांचा राजकीय अनुभव आणि प्रचंड जनसंपर्क याच्या जोरावर निवडणुकीत उतरलेल्या भाऊसाहेबांना आता मोठ्या प्रमाणावर पाठिंबा मिळत आहे. काल मुस्लिम समाजाच्या मोठ्या गटाने दाखवलेला उत्साह आणि आज शिवसेना (ठाकरे गट) पक्षाच्या नेत्याने दिलेला पाठिंबा या मुळे त्यांनी प्रचारात मुसंडी मारली आहे. पुढील काही दिवसात आणखी काही मोठ्या घडामोडींची अपेक्षा आहे असे भाऊसाहेबांच्या निकटवर्तीयांनी सांगितले. या संदर्भात भाऊसाहेब यांच्याशी संपर्क साधला असता, ते म्हणाले की आम्ही जिंकण्यासाठी मैदानात उतरलो आहोत एवढेच मी आत्ता तुम्हाला सांगू शकतो.