.png)
बौद्ध नगरमध्ये जितू गुरुबक्ष पहलानी यांनी आयोजित केलेल्या संवाद सभेत नागरिकांचा प्रचंड प्रतिसाद
| सांगावा न्यूज | पिंपरी, दिनांक १५ : पिंपरी चिंचवड महानगरपालिकेच्या निवडणुक पूर्व तयारीला जसे प्रशासन युद्ध पातळीवर काम करीत आहे, त्याहीपेक्षा वेगाने शहरातील इच्छुक उमेदवारांचे कार्य सुरू आहे. पिंपरी चिंचवड शहरातील मध्यवर्ती असलेल्या प्रभाग क्रमांक १९ मधून जितू गुरुबक्ष पाहलानी यांची जोरात तयारी सुरू असून, बौद्ध नगर, भाटनगर परिसरात पूर्वी त्यांचे वडील गुरुबक्ष पाहलानी यांनी या प्रभागाचे नेतृत्व करून नागरिकांची सेवा केली होती. वडिलाप्रमाणे जनसेवाचा वारसा पुढे चालवण्यासाठी प्रभागातील माता भगिनी आणि सामान्य नागरिकांसह युवकांचा वाढता पाठिंबा त्यांना परिसरात मिळत असल्याचे चित्र आज दिसले. विविध बचत गटांच्या महिला व सामान्य मतदार भगिनी या जितू गुरुबक्ष पहलानी यांच्या जनसंपर्क कार्यालयात येऊन शुभेच्छा देण्यासाठी आल्या होत्या. यावेळी माता भगिनींनी जितू गुरुबक्ष पाहलानी यांचे व त्यांच्या मातोश्रींचे औक्षण केले. यावेळी सचिन साबळे यांच्यासह जितू पहलानी यांच्यावर प्रेमे करणारे कार्यकर्ते व मित्रपरिवार मागील आठवड्यात झालेल्या या कार्यक्रमात मोठ्या संख्येने उपस्थितीत होता. यावेळी उपस्थित महिलांना विजेचे led बल्ब भावाकडून भगिनींना भेट देऊन जितू गुरुबक्ष पहलानी यांनी आपल्या भावना व्यक्त केल्या. तसेच उपस्थित ज्येष्ठ नागरिकाने सांगितले की जितू चे वडील गुरुबक्ष पहलानी यांनी पूर्वी लोकप्रतिनिधी असताना येथील समाज बांधवांना मदत केली. गोर गरीब लोकांच्या घरातील मुली बाळींच्या लग्नात आर्थिक सहकार्य केले. आता त्यांचे चिरंजी जितू पहलानी हे उमेदवार म्हणून उभे राहण्याची आणि पिंपरी चिंचवड महानगरपालिकेच्या सभागृहात आपल्या भागाचे प्रतिनिधित्व करण्यासाठी त्यांना आपण पाठिंबा देऊ असे मनोगत व्यक्त केले. दरम्यान हिवाळ्याच्या थंडीमध्ये प्रभागातील नागरिकांना उबदार वस्त्र मिळवते त्यांची थंडीपासून सुरक्षा व्हावी म्हणून नागरिकांना ब्लँकेट वाटप देखील करण्यात आले. दरम्यान पिंपरी चिंचवड शहरातील दिग्गज नेते मंडळींपैकी नेते डब्बू आसवाणी, राष्ट्रवादीचे (AP) शहराध्यक्ष योगेश बहल, तसेच नाना काटे यांनी जितू गुरुबक्ष पहलानी यांची सदिच्छा भेट घेऊन शुभेच्छा दिल्या. SRA मार्फत नागरिकांनी उत्तम गुणवत्तेची घरे मिळवून देणे हे माझे कर्तव्य असल्याची भावना गुरुबक्ष पहलानी यांनी बोलून दाखवली.
.jpg)
कोणत्याही टिप्पण्या नाहीत:
टिप्पणी पोस्ट करा