.png)
| सांगावा न्यूज | पिंपरी-चिंचवड, दिनांक १२एप्रिल २०२६ : भारतीय संगीतविश्वातील अजरामर स्वरांचा एक दिव्य अध्याय आज काळाच्या पडद्याआड गेला आहे. अष्टपैलू, बहुरंगी आणि भावस्पर्शी गायिका आशा भोसले यांच्या निधनाने कला, संस्कृती आणि संगीताच्या विश्वावर एक गहिरे दुःखाचे सावट पसरले आहे. मुंबईतील ब्रीच कँडी रुग्णालयात त्यांनी अखेरचा श्वास घेत, वयाच्या ९२ व्या वर्षी अनंतात विलीन होण्याचा प्रवास पूर्ण केला. त्यांच्या जाण्याने जणू संगीताचा ‘आशादीप’ विझला आहे; परंतु त्यांच्या स्वरांची ज्योत ही काळाच्या प्रत्येक पडद्यावर तेजोमय राहणार आहे. अशा भावना आमदार अमित गोरखे (संस्थापक अध्यक्ष कलारंग संस्था) यांनी व्यक्त केल्या.
आमदार अमित गोरखे, भावपूर्ण शब्दांत आपल्या भावना व्यक्त करताना म्हणले की,"आशा भोसले म्हणजे केवळ एक गायिका नव्हत्या, तर त्या भारतीय संगीतसंस्कृतीचा एक जिवंत वारसा होत्या. त्यांच्या स्वरांनी प्रेम, वेदना, आनंद आणि जीवनाचा उत्सव यांना अद्वितीय अभिव्यक्ती दिली. त्यांच्या जाण्याने ‘आशा’चा दीप जरी मालवला असला, तरी त्या स्वरांची प्रभा अनंत काळापर्यंत पिढ्यांना प्रेरणा देत राहील. संगीताच्या प्रत्येक सूरामध्ये त्यांनी जिवंतपणा आणला. त्यांच्या कलेतून भारतीय संस्कृतीचे वैभव जगभर पोहोचले. आज आपण एका युगाचा अंत अनुभवत आहोत; ही पोकळी कधीही भरून न निघणारी आहे.आशा भोसले यांच्या स्वरांनी केवळ गाणी नाही, तर अनेकांच्या आयुष्यातील भावना, आठवणी आणि क्षणांना स्वरबद्ध केले. त्या स्वरांचे साम्राज्य आजही प्रत्येक रसिकाच्या मनात अजरामर आहे"
स्वरसम्राज्ञी आशा भोसले यांना कलारंग संस्था यांच्या वतीने भावपूर्ण श्रद्धांजली अर्पण. त्यांच्या स्मृतींना विनम्र अभिवादन. त्यांच्या अमर स्वरांना कोटी कोटी प्रणाम.
.jpg)
कोणत्याही टिप्पण्या नाहीत:
टिप्पणी पोस्ट करा