.png)
सांगावा न्यूज, पिंपरी चिंचवड. दिनांक १३ : पिंपरी चिंचवड शहरातील ऑटो क्लस्टर येथे लोकप्रतिनिधी आमदार महेश लांडगे , आमदार शंकर जगताप आणि प्रशासक आयुक्त शेखरसिंह यांच्यामध्ये बैठक झाली. शहरातील विविध प्रकल्प आणि प्रस्तावित विकासकामे वेळेत मार्गी
लावण्यासंदर्भात सकारात्मक चर्चा झाली. पिंपरी चिंचवड महानरपालिकेचे प्रशासन यासाठी सज्ज असल्याची माहिती आयुक्त शेखर सिंह यांनी या बैठकीत दिली असल्याची माहिती आमदार महेश लांडगे यांनी सोशल मध्येमानवर पोस्ट करून सांगितली. या बैठकीत आमदार शंकर जगताप, विधान परिषद आमदार अमित गोरखे यांसह वेगवेगळ्या प्रशासकीय डिपार्टमेंटचे अधिकारी हजर होते.
पिंपरी चिंचवड शहरातील नवीन विकसित होणारा भाग तसेच शहरात समाविष्ट असणाऱ्या गावांमधील जलनि:सारण व्यवस्थापण, गरजेच्या ठिकाणी नवीन जलवाहिनी तयार करणे, पाणी पुरवठा तसेच जलस्त्रोतासह विविध प्रस्तावित प्रकल्प मार्गी लावणे या या कामांसह इतर नगरी सेवांच्या कामासाठी लागणारा निधी मंजूर व्हावा म्हणून आमदार या नात्याने
येत्या हिवाळी अधिवेशनामध्ये लक्ष वेधणार असून राज्य शासनाच्या माध्यमातून निधी उपलब्ध होण्यासाठी सर्वोतोपरी प्रयत्न केले जातील असे आमदार महेश लांडगे यांनी यावेळी सांगितले.
कोणत्याही टिप्पण्या नाहीत:
टिप्पणी पोस्ट करा