Sangava News

| सांगावा न्यूज | थेरगाव, दिनांक ८ : प्रभाग क्रमांक २३ मधील थेरगाव येथील महिला भगिनींसाठी खास भव्य होम मिनिस्टर अर्थात खेळ रंगला पैठणीचा हा कार्यक्रम येत्या १३ तारखेला सायंकाळी ५. वाजता संपन्न होणार असून माजी शिक्षण सभापती मा. नगरसेविका सौ. मनिषाताई प्रमोद पवार यांनी आयोजन केले आहे. नवीन थेरगाव हॉस्पिटल समोरील पोलिस स्टेशनच्या बाजूच्या जगताप नगर येथील मैदानात हा भव्य होम मिनिस्टर खेळ संपन्न होईल. लकी ड्रॉ बक्षीस देखील काढले जाणार असून ऍक्टिव्हा स्कूटर हे खास आकर्षक बक्षीस त्यासाठी ठेवले आहे. खेळामध्ये उल्लेखनीय खेळ खेळणाऱ्या आणि प्रथम द्वितीय तृतीय क्रमांकासह पुढे आठव्या क्रमांकापर्यंत उत्तमोत्तम बक्षिसे असून याचा परिसरातील महिला भगिनींनी खेळ पैठणीचा खेळ खेळून आनंद घेण्याचे आवाहन आयोजकांनी व श्री छत्रपती शिवाजी तरुण मंडळाने केले आहे. 

प्रथम क्रमांकसाठी ४३ इंची टीव्ही आणि मानाची पैठणी, द्वितीय क्रमांक पिठाची गिरणी आणि मानाची पैठणी, तृतीय क्रमांक शिलाई मशीन आणि मानाची पैठणी, चौथा क्रमांक सायकल आणि मानाची पैठणी, पाचवा क्रमांक वॉटर प्युरिफायर आणि मानाची पैठणी, सहावा क्रमांक कूलर आणि मानाची पैठणी, सातवा क्रमांक मिक्सर आणि मानाची पैठणी आणि आठव्या क्रमांकासाठी टेबल फॅन आणि मानाची पैठणी असे विजेत्यांना बक्षिसे असणार आहेत. याशिवाय खेळ रंगला पैठणीचा अर्थात होम मिनिस्टर या खेळात प्रत्येक सहभागी महिला भगिनींना मिळणार आहेत खास आकर्षक बक्षिसे. प्रभाग क्रमांक २३ मधील महिला भगिनींना खेळाच्या माध्यमातून मनोरंजन आणि सामूहिक आनंदोत्सव साजरा करता या उद्देशाने भव्य अशा खेळ रंगला पैठणीचा या खेळाचे आयोजन केल्याचे मुख्य आयोजक मा. नगरसेविका सौ मनिषाताई प्रमोद पवार यांनी सांगून महिला भगिनींनी जास्तीत जास्त संख्येमध्ये सहभागी होऊन उत्तम खेळ खेळून उत्तमोत्तम बक्षिसे जिंकावीत असे आवाहन महिला भगिनींना केले आहे. सिने दिग्दर्शक अभिनेते जितेंद्र वाईकर हे खेळ रंगला पैठणीचा अर्थात होम मिनिस्टर या खेळाचे निवेदक असणार आहेत.