.png)
बंधू प्रेम, विश्वास, आपुलकी आणि व्यसनमुक्त जीवन हाच आजच्या रक्षाबंधन दिनाचा संकल्प __प्रा. संजय इंगळे
| सांगावा न्यूज | लोणावळा, दिनांक ३१ ऑगस्ट २०२६ : रक्षाबंधनाच्या पवित्र पर्वानिमित्त सोबर लाईफ व्यसनमुक्ती केंद्र, लोणावळा येथे भावनिक आणि प्रेरणादायी वातावरणात रक्षाबंधनाचा कार्यक्रम उत्साहात संपन्न झाला. दिनांक २८ ऑगस्ट रोजी संपन्न झालेल्या या कार्यक्रमाला लोणावळा येथील सामाजिक कार्यकर्ते सेबस्टीन जोसेफ यांची प्रमुख उपस्थिती लाभली. यावेळी त्यांनी व्यसनमुक्तीच्या प्रवासात प्रेम, आपुलकी, कुटुंबीयांचा आधार तसेच समाजाची सकारात्मक भूमिका अत्यंत महत्त्वाची असल्याचे सांगितले. व्यसनाच्या विळख्यातून बाहेर पडणाऱ्या व्यक्तींना समाजाने स्वीकारून त्यांना नव्या आयुष्याची संधी द्यावी, असे उपस्थितांना आवाहनही त्यांनी केले.
यावेळी व्यसनमुक्ती केंद्राचे संचालक प्रा.संजय इंगळे यांनी रक्षाबंधनाचे सामाजिक व भावनिक महत्त्व विशद केले. “राखीचा धागा हा केवळ भाऊ-बहिणीच्या नात्याचे प्रतीक नसून, एकमेकांना आधार देण्याची, चुकीच्या वाटेपासून दूर ठेवण्याची आणि नव्या आयुष्याची सुरुवात करण्याची प्रेरणा देणारा धागा आहे,” असा संदेश त्यांनी दिला"
कोणत्याही टिप्पण्या नाहीत:
टिप्पणी पोस्ट करा