Sangava News

| सांगावा न्यूज | पिंपरी चिंचवड, दिनांक ३ : शहरातील थेरगाव, वाल्हेकरवाडी, मोहन नगर, राम नगर, इत्यादी गावांसह पिंपरी चिंचवड शहरांत विविध ठिकाणी जाचक आणि लोकांची घरे उध्वस्त करून संसार मोडणारे नवीन डिपी पिंपरी चिंचवड शहरासाठी आयुक्त व प्रशासक शेखरसिंग यांच्या मागदर्शनाखाली प्रशासनाने जाहीर केला होता. तो चुकीचा असून लोकहिताचा नाही. त्यामुळे शहरातील लोकांमध्ये प्रचंड नाराजी आहे. या नवीन विकास प्रारूप आराखड्याच्या विरुद्ध शहरात थेरगावमध्ये हजारोंच्या संख्येने उपस्थित राहून दोन आंदोलने झाली. शहराच्या इतर भागातील लोकांनी एकत्र येऊन पिंपरी चिंचवड महानगरपालिकेत संबंधित विभागाकडे हरकती दिल्या. लोकभावना लक्षात घेता, शहरातील विधानपरिषदेचे आमदार अमित गोरखे यांनी विधानसभेच्या पावसाळी अधिवेशनात लक्षवेधी मंडळी. विधानसभेत यावर बोलतांना नगरविकास राज्यमंत्री माधुरी मिसाळ म्हणाल्या की पिंपरी चिंचवड महानगरपालिकेने नवीन प्रारूप विकास आराखडा जाहीर केला होता. आराखडा चुकला असेल तर शासन आराखडा रद्द करेल. कारण सदर आराखडा शेवटी निर्णय घेण्यासाठी मंत्रिमंडळास सदर केला जाईल. तेव्हा त्याचे योग्य ते परीक्षण आणि निरीक्षण करून सदर आराखडा नवीन सर्वेनुसार चुकीचा असेल तर राज्य शासन पिंपरी चिंचवड शहरातील आराखडा रद्द करू शकते, असे मोठे आणि महत्त्वपूर्ण विधान विधानपरिषदेत मधुर मिसाळ यांनी केले. या विकास आराखड्याला विरोध म्हणून प्रचंड प्रमाणात नागरिकांच्या हरकती आल्या आहेत. शासनाला आराखड्यात दुरुस्ती किंवा सुधारणा करण्याचे अधिकार आहेत. त्यानुसार आवश्यक बदल केले जातील. तसेच आराखड्यात कोणावरही अन्याय होणार नाही याची काळजी घेतली जाईल असे माधुरी मिसाळ यांचे मत शहरातील नागरिकांना दिलासा देणारे वाटले.

पिंपरी चिंचवड शहरातील या नवीन डिपी च्या जाचक आणि लोकांना हानिकारक ठरणाऱ्या मुद्द्यांना तीव्र विरोध होत असून आराखड्याविरोधात मोठ्या संख्येने हरकती आल्या आहेत. याशिवाय सदर आराखडा इंग्रजी मध्ये बनवला असल्यामुळे संबंधित अधिकारी, सल्लागार व सहकारी यांची उच्चस्तरीय चौकशी करून त्यांचे निलंबनाची करावे अशी थेट मागणी आमदार अमित गोरखे यांनी केली.