Sangava News

|सांगावा न्यूज | पिंपरी चिंचवड, दि. २५ एप्रिल २०२६ : अ ब क ड वर्गीकरणासाठी पाठपुरावा करणारे विधानपरिषद आमदार अमित गोरखे व मातंग समाजाच्या इतर लोकप्रतिनिधींची सोशल मीडियावर बदनामी करणाऱ्या समाजकंटकांवर तातडीने गुन्हे दाखल करण्याची मागणी शिवशाही व्यापारी संघाचे संस्थापक अध्यक्ष युवराज दाखले यांनी पोलीस आयुक्तांकडे केली आहे.

"सर्वोच्च न्यायालयाने अ ब क ड वर्गीकरणाचा निर्णय दिल्यानंतर आरक्षणाला विरोध करणारे काही लोक अर्धवट माहितीच्या आधारे आमदार गोरखे यांचे चारित्र्यहनन करीत आहेत. यामुळे समाजात तेढ निर्माण होत आहे," असे दाखले म्हणाले. या प्रकरणी शिवशाही व्यापारी संघाने पोलीस आयुक्तांना निवेदन देऊन IT Act अंतर्गत कारवाईची मागणी केली आहे.