Sangava News

| सांगावा न्यूज | पिंपरी, दि. ४ जून २०२६ : जागतिक पर्यावरण दिनाचे औचित्य साधून प्रभाग क्रमांक १८, चिंचवडगाव येथे वृक्षारोपण कार्यक्रम उत्साहपूर्ण वातावरणात आयोजित करण्यात आला. पर्यावरण संवर्धनाचा संदेश देत परिसर अधिक हिरवागार करण्याच्या उद्देशाने हा उपक्रम राबविण्यात आला. या कार्यक्रमात नगरसेवक सुरेश शिवाजी भोईर, नगरसेविका अपर्णाताई डोके तसेच नगरसेविका मनीषाताई चिंचवडे यांच्या हस्ते विविध प्रकारच्या वृक्षांची लागवड करण्यात आली. यावेळी उपस्थित नागरिकांना पर्यावरणाचे महत्त्व पटवून देत प्रत्येकाने किमान एक झाड लावून त्याचे संगोपन करण्याचे आवाहन करण्यात आले.

कार्यक्रमास भारतीय जनता पक्षाच्या चिंचवड-काळेवाडी मंडळाचे अध्यक्ष ऍडव्होकेट. हर्षद नढे, सरचिटणीस मधुकर बच्चे, भाजपा उपाध्यक्ष रवींद्र देशपांडे, डॉ. अजित जगताप, लक्ष्मण माहुरे, प्रसाद परब, महेश भोईर, हरिभाऊ मोहिते, सुभाष पंडित, मधुकर कुलकर्णी, अमेय देशपांडे, महानंदा भोईर यांच्यासह अनेक कार्यकर्ते आणि नागरिक मोठ्या संख्येने उपस्थित होते. तसेच पिंपरी-चिंचवड महापालिकेच्या उद्यान विभागाचे नाळे साहेब, कांबळे साहेब आणि इतर अधिकारी-कर्मचारी यांनीही या उपक्रमात सक्रिय सहभाग नोंदविला. परिसरातील ज्येष्ठ नागरिकांनीही उपस्थित राहून वृक्षसंवर्धनासाठी सहकार्य करण्याची ग्वाही दिली.