Sangava News

| सांगावा न्यूज | पिंपरी चिंचवड, दिनांक १७ जुलै २०२६ : भारत निवडणूक आयोगाच्या विशेष मतदार यादी पुनरिक्षण (Special Intensive Revision - SIR) मोहिमेअंतर्गत नागरिकांना आवश्यक मार्गदर्शन व सहकार्य मिळावे या उद्देशाने वार्ड क्रमांक २१ चे चे भाजपा पदाधिकारी जयेश शिवराज चौधरी यांनी नागरिकांसाठी मोफत मदत व मार्गदर्शन केंद्र सुरू केले आहे. या उपक्रमांतर्गत मतदार यादीत नाव शोधणे, मतदार नोंदणी व पडताळणी प्रक्रियेबाबत माहिती देणे, आवश्यक कागदपत्रांची माहिती उपलब्ध करून देणे तसेच संबंधित BLO (Booth Level Officer) यांच्याशी संपर्क साधून देणे यासाठी नागरिकांना विनामूल्य मदत केली जात आहे.

अनेक नागरिकांना SIR प्रक्रियेबाबत माहिती नसल्याने किंवा विविध तांत्रिक अडचणी येत असल्याने त्यांना योग्य मार्गदर्शन मिळावे, मतदार म्हणून त्यांचे अधिकार अबाधित राहावेत आणि कोणत्याही पात्र मतदाराला गैरसोय होऊ नये या उद्देशाने हा उपक्रम राबविण्यात येत असल्याचे जयेश शिवराज चौधरी यांनी सांगितले. ज्या नागरिकांना मतदार यादी, SIR फॉर्म, नाव पडताळणी अथवा इतर निवडणूकविषयक बाबींमध्ये अडचणी येत असतील त्यांनी PWD २५/११, अशोक थिएटर समोर, श्री. जयेश शिवराज चौधरी यांच्या कार्यालयात संपर्क साधावा, असे आवाहन करण्यात आले आहे.

या उपक्रमाचे परिसरातील नागरिकांकडून स्वागत होत असून लोकशाही प्रक्रियेत नागरिकांचा सहभाग वाढविण्यासाठी हा उपक्रम उपयुक्त ठरत असल्याची प्रतिक्रिया नागरिकांनी व्यक्त केली आहे.