.png)
| सांगावा न्यूज | पिंपरी, दिनांक २५ ऑगस्ट २०२६ : स्वराज फिल्म प्रोडक्शन सोशल फाउंडेशन महाराष्ट्र राज्य यांच्यातर्फे आयोजित 'द ' ग्रेट कलावंत दादासाहेब फाळके पुरस्कार सोहळा आचार्य अत्रे सभागृह, संत तुकाराम नगर पिंपरी चिंचवड, पुणे येथे नुकताच संपन्न झाला. या पुरस्कार सोहळ्यात सामाजिक क्षेत्रात उल्लेखनीय कार्य केल्याबद्दल अनिताताई अशोक मगर (माजी पुणे जिल्हा, महिला अध्यक्ष, महाराष्ट्र नाभिक महामंडळ. विद्यमान व्हाईस चेअरमन, श्री संत सेना नागरी सहकारी पतसंस्था काळेवाडी) यांना द ग्रेट कलावंत दादासाहेब फाळके पुरस्कार देऊन सन्मानित करण्यात आले.
अनिताताई मगर यांनी आतापर्यंत नाभिक महामंडळाच्या माध्यमातून गुणवंत विद्यार्थी सत्कार सोहळा, संत सेना महाराज पुण्यतिथी सोहळा, हुतात्मा भाई कोतवाल जयंती व पुण्यतिथी सोहळा सहभाग तसेच कोरोना काळात अतिशय उत्कृष्ट काम केले. पोलीस बांधवांना राखी बांधून बंधुभाव जपला. जवानांसाठी राखी पाठवून कृतज्ञता व्यक्त केली. अशाविविध सामाजिक व सांस्कृतिक कार्य चालू असताना त्यांना सावित्रीबाई फुले पुरस्कार, आदर्श महिला कार्यकर्ता पुरस्कार तसेच जिल्हास्तरीय आदर्श माता पुरस्कार देऊन विविध सामाजिक संघटनांनी सन्मानित केले आहे. अनिताताई मगर यांना पुरस्कार मिळाल्याने महाराष्ट्र नाभिक महामंडळ पुणे जिल्हा व ग्रामस्थ जांबे यांच्याकडून अभिनंदन केले जात आहे.
कोणत्याही टिप्पण्या नाहीत:
टिप्पणी पोस्ट करा